കൊച്ചി: പൗരത്വ നിയമ ഭേദഗതിയില്‍ കേരള ഗവര്‍ണര്‍ ആരിഫ് മുഹമ്മദ് ഖാനെ സംവാദത്തിന് വെല്ലുവിളിച്ച് അഭിഭാഷകന്‍ ഹരീഷ് വാസുദേവന്‍. സി.എ.എ , എന്‍.ആര്‍.സി എന്നിവയില്‍ തുറന്ന ചര്‍ച്ചയ്ക്ക് തയാറാണെന്ന് ഗവര്‍ണര്‍ ആരിഫ് മുഹമ്മദ് ഖാന്‍ യോഗങ്ങളില്‍ പറയുന്നു. എന്തുകൊണ്ട് അതാരും ഏറ്റെടുക്കുന്നില്ല എന്ന് പലരും ചോദിക്കുന്നു. അദ്ദേഹത്തിന്റെ ആഹ്വാനം സ്വാഗതാര്‍ഹമായ കാര്യമാണെന്നും ചര്‍ച്ചയ്ക്ക് താന്‍ തയാറാണെന്നും ഹരീഷ് ഫേസ്ബുക്ക് പോസ്റ്റില്‍ പറയുന്നു. 2020 ല്‍ സംവാദമാവാം. സ്ഥലവും തീയതിയും സമയവും ഗവര്‍ണര്‍ക്ക് തീരുമാനിക്കാം. സി.എ.എ എന്തുകൊണ്ട് അനീതിയാണ് എന്നു താന്‍ പറയാമെന്നും അല്ലെന്ന് നിങ്ങളും പറയണം. കേള്‍ക്കുന്ന ജനങ്ങള്‍ക്ക് കാര്യങ്ങള്‍ വ്യക്തമാകട്ടെയെന്നും ഹരീഷ് പറയുന്നു.