പെരിന്തല്‍മണ്ണ: ഓള്‍ കേരളാ ഫോട്ടോഗ്രാഫേഴ്‌സ് അസോസിയേഷന്റെ 34ാം സംസ്ഥാന സമ്മേളനം നാളെ മുതല്‍ പെരിന്തല്‍മണ്ണയില്‍ നടക്കും. രാവിലെ വണ്ടൂരില്‍നിന്നു കൊടിമരജാഥയും കൊളത്തൂരില്‍നിന്നു പതാകജാഥയും പുറപ്പെട്ടു സമ്മേളന നഗരിയായ പെരിന്തല്‍മണ്ണ ഷിഫാ കണ്‍വന്‍ഷന്‍ സെന്ററില്‍ലെത്തും.
10.30നു സംസ്ഥാന പ്രസിഡന്റ് എം.ജി രാജു പതാക ഉയര്‍ത്തും. ഉച്ചയ്ക്കു രണ്ടിനു ഫോട്ടോ പ്രദര്‍ശനം നഗരസഭാധ്യക്ഷന്‍ എം. മുഹമ്മദ് സലീം ഉദ്ഘാടനം ചെയ്യും. വൈകിട്ട് അഞ്ചിന് പ്രദര്‍ശനം സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും. ട്രേഡ്‌ഫെയര്‍ പി. അബ്ദുല്‍ ഹമീദ് എം.എല്‍.എ ഉദ്ഘാടനം ചെയ്യും.
18നു രാവിലെ പത്തിനു സാംസ്‌കാരിക സമ്മേളനം എം.പി അബ്ദുസ്സമദ് സമദാനി ഉദ്ഘാടനം ചെയ്യും. 2.30നു തറയില്‍ ബസ് സ്റ്റാന്‍ഡ് പരിസരത്തുനിന്നു പ്രകടനം സമ്മേളന നഗരിയിലെത്തും. നാലിനു പൊതുസമ്മേളനം മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. അന്നു ജില്ലയിലെ സ്റ്റുഡിയോ അനുബന്ധ സ്ഥാപനങ്ങള്‍ അവധിയായിരിക്കും.
19നു പ്രതിനിധി സമ്മേളനം കെ.എന്‍.എ.ഖാദര്‍ എം.എല്‍.എ ഉദ്ഘാടനം ചെയ്യും. മികച്ച ജില്ലക്കുള്ള ട്രോഫി വിതരണം മോന്‍സ് ജോസഫ് എം.എല്‍.എ നിര്‍വഹിക്കും. വാര്‍ത്താസമ്മേളനത്തില്‍ സംസ്ഥാന ജനറല്‍ സെക്രട്ടറി ഗിരീഷ് പട്ടാമ്പി, സെക്രട്ടറി കെ.എ. അജീഷ്, ശശികുമാര്‍ മങ്കട, യൂസഫ് കാസിനോ, പി.ആര്‍.ഒ ബാബു പുലാക്കില്‍ പങ്കെടുത്തു.