കണ്ണൂര്‍: സ്വകാര്യ ഹോട്ടലില്‍ നിന്ന് മലിന വസ്തുക്കളും ജലവും ഓടയിലേക്ക് തള്ളുന്നത് പിടികൂടി.
കണ്ണൂര്‍ പഴയ ബസ്സ്റ്റാന്‍ഡിലെ അക്വാറീസ് ഹോട്ടലില്‍ നിന്നാണ് മലിന വസ്തുക്കള്‍ ഓടയിലേക്ക് ഒഴുക്കിവിട്ടത്. രാത്രി 10 ഓടെയാണ് സംഭവം. മലിന വസ്തുക്കള്‍ തള്ളുന്നതിനിടെ മേയറും സംഘവും എത്തി ഹോട്ടല്‍ ജീവനക്കാരെ പിടികൂടുകയായിരുന്നു.
ജീവനക്കാരില്‍ നിന്നു ഓടയുടെ സ്ലാബ് നീക്കുന്നതിനുപയോഗിച്ച ഇരുമ്പു പാര, പമ്പ്‌സെറ്റ്, പൈപ്പുകള്‍ എന്നിവയും പിടിച്ചെടുത്തു. മേയര്‍ ഇ.പി ലത, കൗണ്‍സിലര്‍മാരായ കെ. ബാലകൃഷ്ണന്‍, തൈക്കണ്ടി മുരളീധരന്‍ എന്നിവരും ഹെല്‍ത്ത് വിഭാഗം ഉദ്യോഗസ്ഥരും പൊലിസും സംഘത്തിലുണ്ടായിരുന്നു.
ഹോട്ടലിനെതിരേ കര്‍ശന നടപടി സ്വീകരിക്കുമെന്ന് കോര്‍പ്പറേഷന്‍ അറിയിച്ചു.