തിരുവനന്തപുരം: കെപ്‌കോ നടപ്പാക്കുന്ന കുഞ്ഞുകൈകളില്‍ കോഴിക്കുഞ്ഞ് പദ്ധതിയുടെ സംസ്ഥാനതല ഉദ്ഘാടനം വനംമന്ത്രി അഡ്വ. കെ.രാജു കോട്ടണ്‍ഹില്‍ സ്‌കൂളില്‍ നിര്‍വഹിച്ചു. പച്ചക്കറി, പാല്‍ എന്നിവയുടെ കാര്യത്തില്‍ അയല്‍ സംസ്ഥാനങ്ങളെ ആശ്രയിക്കുന്ന നമുക്ക് മുട്ടയുടെ കാര്യത്തില്‍ സ്വയം പര്യാപ്തതനേടാന്‍ ഈ പദ്ധതി സഹായിക്കുമെന്ന് മന്ത്രി പറഞ്ഞു. ഗ്രാമീണമേഖലയില്‍ അധിക വരുമാനമാര്‍ഗമായി ഈ പദ്ധതി വളരുമെന്ന് അദ്ദേഹം പ്രത്യാശ പ്രകടിപ്പിച്ചു. വി.എസ്.ശിവകുമാര്‍ എം.എല്‍.എ അധ്യക്ഷത വഹിച്ചു.
 
കെ.എസ്.പി.ഡി.സി മാനേജിങ് ഡയറക്ടര്‍ ഡോ. വി.സുനില്‍കുമാര്‍, ഡെപ്യൂട്ടി മേയര്‍ രാഖി രവികുമാര്‍, കെ.എസ്.പി.ഡി.സി ചെയര്‍മാന്‍, എസ്.കുട്ടപ്പന്‍ ചെട്ടിയാര്‍ തുടങ്ങിയവര്‍ ചടങ്ങില്‍ പങ്കെടുത്തു.