ചെറുതുരുത്തി: സാംസ്‌ക്കാരിക വകുപ്പ് മന്ത്രി സ്ഥാനം ഏറ്റെടുത്തതിന് ശേഷം ആദ്യമായി കലാമണ്ഡലത്തിലെത്തുന്ന എ.കെ ബാലന് സ്വീകരണം നല്‍കാന്‍ കലാമണ്ഡലം ഭരണ സമിതി തീരുമാനമെടുത്തു. ഓഗസ്റ്റ് 14 ന് വൈകീട്ട് 3.30ന് കൂത്തമ്പലത്തില്‍ വെച്ചാണ് സ്വീകരണ സമ്മേളനം. കലാമണ്ഡലത്തില്‍ പുതിയതായി നിര്‍മിക്കുന്ന അക്കാദമിക് ബ്ലോക്കിന്റെ ശിലാസ്ഥാപനവും കലാമണ്ഡലത്തില്‍ നിന്ന് ഗവേഷണ ബിരുദം നേടിയവര്‍ക്കുള്ള അനുമോദനവും നടക്കും.