കണ്ണൂര്‍: ജനുവരി ഒന്നിനു നവോത്ഥാന സംരക്ഷണ സമിതിയുടെ നേതൃത്വത്തില്‍ സംസ്ഥാന സര്‍ക്കാറിന്റെ സഹകരണത്തോടെ നടത്തുന്ന വനിതാ മതിലില്‍ അണിചേരാന്‍ തദ്ദേശസ്ഥാപനങ്ങളോട് ജില്ലാ ആസൂത്രണ സമിതി യോഗം നിര്‍ദേശിച്ചു.
ഇതിന്റെ പ്രാരംഭ പ്രവര്‍ത്തനത്തിന്റെ ഭാഗമായി മുഴുവന്‍ പഞ്ചായത്തുകളിലും 25നകം പ്രചാരണം നടത്തണം. പ്രാദേശിക തലത്തിലും വാര്‍ഡ് തലത്തിലും സംഘാടകസമിതികള്‍ രൂപീകരിക്കണം. തദ്ദേശസ്ഥാപന ഭരണ സമിതിയും ഉദ്യോഗസ്ഥരും വനിതാ മതില്‍ വിജയിപ്പിക്കുന്നതിനായി മുന്‍കൈ എടുക്കണമെന്നും യോഗം അഭ്യര്‍ഥിച്ചു.
ജില്ലാ ആസൂത്രണ സമിതി ഹാളില്‍ നടന്ന ജില്ലാ പഞ്ചായത്ത് പ്രസിഡന്റ് കെ.വി സുമേഷ് അധ്യക്ഷനായി. വി.കെ സുരേഷ് ബാബു, കെ.പി ജയബാലന്‍, കെ.വി ഗോവിന്ദന്‍, അജിത് മാട്ടൂല്‍, സുമിത്ര ഭാസ്‌കരന്‍, പി. ജാനകി, എ.ഡി.എം മുഹമ്മദ് യൂസുഫ് പങ്കെടുത്തു.