പടന്നക്കാട്: അധ്യാപക വിദ്യാര്‍ഥികളുടെ ജില്ലാ കലോത്സവം പടന്നക്കാട് ശ്രീനാരായണ ഐ.ടി.ഇയില്‍ തുടങ്ങി. ഇന്നലെ നടന്ന ജില്ലാ തല സ്റ്റേജിതര മത്സരങ്ങളില്‍ ജില്ലയിലെ നാലു ഐ.ടി.ഇകളില്‍ നിന്നുള്ളവര്‍ പങ്കെടുത്തു. സ്റ്റേജിന മത്സരങ്ങള്‍ 16നു നടക്കും. 90പേര്‍ വിവിധ മത്സരങ്ങളില്‍ പങ്കെടുക്കും. ജില്ലയിലെ മുഴുവന്‍ അധ്യാപകര്‍ക്കുമായി മൂന്നിനങ്ങളില്‍ പ്രത്യേക മസരങ്ങളുമുണ്ടാകും. കലോത്സവ നടത്തിപ്പിനായി സംഘാടക സമിതി പ്രവര്‍ത്തിച്ചു വരുന്നുണ്ട്.
ഭാരവാഹികള്‍: കാഞ്ഞങ്ങാട് നഗരസഭാ അധ്യക്ഷന്‍ വി.വി.രമേശന്‍ (ചെയര്‍മാന്‍), ഉപാധ്യക്ഷ എല്‍.സുലൈഖ, വാര്‍ഡ് കൗണ്‍സിലര്‍ റസാഖ് തൈലക്കണ്ടി, എം.ഹസൈനാര്‍ (വൈസ് ചെയ), കാസര്‍കോട് ഡി.ഡി.ഇ ഡോ.ഗിരീഷ് ചാലയില്‍ (ജന.കണ്‍), പടന്നക്കാട് എസ്.എന്‍.ഐ.ടി.ഇ പ്രധാനാധ്യാപിക ജി.പുഷ്പലത (ജന.കണ്‍), എസ്.എന്‍.എ.യു.പി.എസ് പ്രധാനാധ്യാപിക എം.ഉഷാറാണി (ജോ.കണ്‍).