കാഞ്ഞങ്ങാട്: പരപ്പ കനകപ്പള്ളിയില്‍ വ്യാജ ചികിത്സാ കേന്ദ്രം പ്രവര്‍ത്തിക്കുന്നതായി നാട്ടുകാര്‍ ഡി.എം.ഒക്ക് പരാതി നല്‍കി. അക്യുപംക്ചര്‍ ചികിത്സയുടെ മറവിലാണ് വ്യാജഡോക്‌റുടെ ചികിത്സ. ചികിത്സ തേടിയെത്തുന്നവരോട് പ്രതിരോധകുത്തിവപ്പുകള്‍ നടത്തരുതെന്നും ഔഷധ പരീക്ഷണമാണ് ഇതിന്റെ മറവില്‍ നടക്കുന്നതെന്നും ഇയാള്‍ പറയുന്നതായി പരാതിയില്‍ പറയുന്നു.
ആലക്കോട് നിന്ന് 12 വര്‍ഷം മുന്‍പ് കനകപ്പള്ളിയില്‍ എത്തിയ കുടിയേറ്റകര്‍ഷനാണ് അടുത്തകാലത്ത് ഫീസ് വാങ്ങി വ്യാജ ചികിത്സ തുടങ്ങിയത്. ഈയാളുടെ വിദ്യാഭ്യാസ യോഗ്യത പോലും വ്യക്തമല്ലെന്നും നാട്ടുകാര്‍ ഡി.എം.ഒക്ക് നല്‍കിയ പരാതിയില്‍ പറയുന്നു.