റിയാദ്: സഊദിയിലെ ഖമീസ് മുശൈത്തില്‍ ഉണ്ടായ വാഹനാപകടത്തില്‍ ആലപ്പുഴ സ്വദേശി മരിച്ചു. ആലപ്പുഴ പുള്ളികണക്ക് സ്വദേശി നമ്പൂഴില്‍ കൃഷ്ണന്‍ പിള്ളയുടെ മകനാണ് അപകടത്തില്‍ മരണപ്പെട്ടത്. ജോലി ആവശ്യാര്‍ഥം തരീബിലേക്ക് പോവുകയായിരുന്നതിനിടെ ഖമീസില്‍ നിന്നും 15 കിലോമീറ്റര്‍ അകലെ തന്തഹക്കടുത്തു വെച്ചാണ് അപകടം. യു ടേണ്‍ എടുക്കുന്നതിനിടെ പാകിസ്താനി പൗരന്‍ ഓടിച്ച വാഹനമിടിച്ചാണ് അപകടം. കരാര്‍ വ്യവസ്ഥയില്‍ പെയിന്റിങ് ജോലി ചെയ്തു വരികയായിരുന്നു. അഞ്ച് വര്‍ഷമായി സഊദിയിലുണ്ട്. ഒന്നര വര്‍ഷം മുമ്പ് പുതിയ വിസയിലാണ് ഇവിടെ എത്തിയത്. ഭാര്യ മഹേശ്വരി, രണ്ട് കുട്ടികളുണ്ട്. മൃതദേഹം ഹയാത്ത് ഹോസ്പിറ്റല്‍ മോര്‍ച്ചറിയില്‍. നിയമ നടപടിക്രമങ്ങള്‍ പൂര്‍ത്തികരിക്കുവാന്‍ അസീര്‍ പ്രവാസി സംഘം ഖമീസ് ഏരിയ റിലീഫ് കണ്‍വീനര്‍ ഷൗക്കത്ത് ആലത്തൂര്‍ സഹായത്തിനുണ്ട്.