വിദ്യാനഗര്‍: ഹിദായത്തു നഗര്‍ ജി.യു.പി സ്‌കൂളില്‍ സ്‌നേഹപൂര്‍വ്വം സുപ്രഭാതം പദ്ധതിക്കു തുടക്കമായി.
സ്‌കൂളിലേക്ക് ഒരു വര്‍ഷത്തേക്ക് സുപ്രഭാതം ദിനപത്രം ദാറുല്‍ ഹിദായ എജ്യൂക്കേഷണല്‍ ചാരിറ്റബ്ള്‍ ട്രസ്റ്റാണ് സ്‌പോണ്‍സര്‍ ചെയ്തത്. സ്‌കൂള്‍ ലീഡര്‍ മര്‍ജ്ജാനയ്ക്ക് മുഹമ്മദ് ശരീഫ് പത്രം നല്‍കി പദ്ധതി ഉദ്ഘാടനം ചെയ്തു. പ്രഥമാധ്യാപകന്‍ എം.ഡി രമേഷ് അധ്യക്ഷനായി.
അധ്യാപകരായ ചാക്കോ മാസ്റ്റര്‍, ഷാജു, ട്രസ്റ്റ് ചെയര്‍മാന്‍ ഖാദര്‍ ഹാജി, മജീദ്, അഹ്മദ്, ജലീല്‍, ഷാജഹാന്‍, സുപ്രഭാതം കാസര്‍കോട് ജില്ലാ സര്‍ക്കുലേഷന്‍ മാനേജര്‍ മൊയ്തു ചെര്‍ക്കള, സര്‍ക്കുലേഷന്‍ എക്‌സിക്യൂട്ടീവ് സിദ്ദീഖ് കമ്പാര്‍ സംബന്ധിച്ചു.