കോഴിക്കോട്: ഏഴാമതു ലൈംഗിക സ്വാഭിമാന ഘോഷയാത്ര 12ന് കോഴിക്കോട്ടു നടക്കും. വിമത ലൈംഗികതയുടെ രാഷ്ട്രീയം ഉയര്‍ത്തിപ്പിടിച്ചു നടത്തുന്ന ഘോഷയാത്ര ഉച്ചയ്ക്ക് 2.30ന് ബീച്ചില്‍ ആരംഭിച്ച് ടാഗോര്‍ ഹാളില്‍ സമാപിക്കും.
ക്വിയര്‍ ആക്ടിവിസ്റ്റും സംഗീതജ്ഞയുമായ സുമതി മൂര്‍ത്തി ഫ്‌ളാഗ് ഓഫ് ചെയ്യും. ലക്ഷ്മി നാരായണ്‍ ത്രിപാഠി, എം.എല്‍.എമാരായ എം.കെ മുനീര്‍, വി.ടി ബല്‍റാം, എ. പ്രദീപ്കുമാര്‍ സംബന്ധിക്കും. ഘോഷയാത്രയ്ക്കു മുന്നോടിയായി 10, 11 തിയതികളില്‍ ഗാന്ധിഗൃഹത്തില്‍ വിമത ലൈംഗികതയുമായി ബന്ധപ്പെട്ട സെമിനാറുകള്‍, ചലച്ചിത്ര-ചിത്രപ്രദര്‍ശനങ്ങള്‍ തുടങ്ങിയവയും സംഘടിപ്പിച്ചിട്ടുണ്ട്.
വാര്‍ത്താസമ്മേളനത്തില്‍ ശരത്, ശീതള്‍, ഡോ. ജിജോ കുര്യാക്കോസ്, ഗാര്‍ഗി, ചിഞ്ചു അശ്വതി, കിഷോര്‍കുമാര്‍ പങ്കെടുത്തു.