ലണ്ടന്‍: പുരുഷന്‍മാരുടെ 400 മീറ്റര്‍ ഹര്‍ഡില്‍സില്‍ നോര്‍വെയുടെ യുവ താരം കാര്‍സ്റ്റെന്‍ വാര്‍ഹോം അട്ടിമറി വിജയത്തോടെ സ്വര്‍ണം പിടിച്ചെടുത്തു. വനിതകളുടെ 400 മീറ്ററിലും വന്‍ അട്ടിമറി അരങ്ങേറി. പ്രമുഖ താരങ്ങളെ പിന്തള്ളി അമേരിക്കയുടെ ഫില്ലിസ് ഫ്രാന്‍സിസ് സുവര്‍ണ താരമായി. കാത്തിരിപ്പിനൊടുവില്‍ വനിതകളുടെ ഷോട് പുട്ടില്‍ ചൈനയുടെ ലിജിയാവോ ഗോങ് ലോക ചാംപ്യന്‍ഷിപ്പില്‍ ആദ്യമായി സുവര്‍ണ നേട്ടം സ്വന്തമാക്കിയതും ശ്രദ്ധേയമായി.