തിരുവനന്തപുരം: കഴിഞ്ഞ രണ്ടുദിവസങ്ങളിലായി ശബരിമലയില്‍ നടന്ന നാടകം അപമാനകരമാണെന്ന് പ്രതിപക്ഷ നേതാവ് രമേശ് ചെന്നിത്തല. സര്‍ക്കാരിന്റെ പിടിവാശി നടക്കാന്‍ പോകുന്നില്ല.
സര്‍ക്കാരിന്റെ ഡബിള്‍ റോളാണ് ശബരിമലയിലെ പ്രശ്‌നങ്ങള്‍ക്ക് കാരണം. സുപ്രിംകോടതി വിധിയുടെ പുനഃപരിശോധനാ ഹരജി കോടതിയുടെ പരിഗണനയിലിരിക്കെ ഇങ്ങനെ ചെയ്യേണ്ട കാര്യമുണ്ടോയെന്നും ചെന്നിത്തല ചോദിച്ചു. സര്‍ക്കാര്‍ പ്രതിസന്ധി ഉണ്ടാക്കുകയാണ്. ഭക്തരുടെ വികാരമാണ് അവിടെ കണ്ടതെന്നും ഇനിയും ശബരിമലയില്‍ ഇത്തരം നാടകം ആവര്‍ത്തിക്കരുതെന്നും ചെന്നിത്തല പറഞ്ഞു.