ന്യൂഡല്‍ഹി: തുടര്‍ച്ചയായി രണ്ടാം മത്സരത്തിലും ഇന്ത്യയെ പരാജയപ്പെടുത്തി ബെല്‍ജിയം ഹോക്കി പരമ്പര സ്വന്തമാക്കി. ആദ്യ മത്സരത്തില്‍ തോല്‍വി വഴങ്ങിയ ഇന്ത്യ രണ്ടാം മത്സരത്തില്‍ 1-3നാണ് പരാജയം ഏറ്റുവാങ്ങിയത്. ഇന്ത്യയുടെ ആശ്വാസ ഗോള്‍ അര്‍മാന്‍ ഖുറേഷിയാണ് നേടിയത്. നേരത്തെ ആദ്യ മത്സരത്തില്‍ ഇന്ത്യ മറുപടിയില്ലാത്ത ഒറ്റ ഗോളിനാണ് പരാജയപ്പെട്ടത്. ഇന്ത്യയുടെ യൂറോപ്യന്‍ പര്യടനത്തിന്റെ ഭാഗമായാണ് ബെല്‍ജിയത്തിനെതിരായ പോരാട്ടം അരങ്ങേറിയത്. ഇന്ന് നടക്കുന്ന മത്സരത്തില്‍ ഇന്ത്യ ഹോളണ്ടുമായി ഏറ്റുമുട്ടും.