അസ്താന: ഏഷ്യന്‍ ഷോട്ഗണ്‍ ചാംപ്യന്‍ഷിപ്പില്‍ ഇന്ത്യയുടെ പുരുഷ സ്‌കീറ്റ് ടീമിന് വെങ്കലം. ഷീര്‍സ് ഷെയ്ഖ്, മെയ്‌രാജ് അഹമദ് ഖാന്‍, അംഗദ് വിര്‍ സിങ് ബജ്‌വ എന്നിവരടങ്ങിയ ടീമാണ് വെങ്കലം സ്വന്തമാക്കിയത്. 375ല്‍ 350 പോയിന്റുകള്‍ വെടിവച്ചിട്ടാണ് ഇന്ത്യന്‍ സംഘത്തിന്റെ മെഡല്‍ നേട്ടം. അതേസമയം ഇതേ ഇനത്തിന്റെ വ്യക്തിഗത പോരാട്ടത്തില്‍ മത്സരിച്ച ഷീര്‍സ് ഷെയ്ഖിന് തലനാരിഴക്ക് മെഡല്‍ നഷ്ടമായത് ഇന്ത്യന്‍ ക്യാംപില്‍ നിരാശ പടര്‍ത്തി. ടൂര്‍ണമെന്റിലെ ഇന്ത്യന്‍ മെഡല്‍ നേട്ടം ഇതോടെ ഏഴായി ഉയര്‍ന്നു.