റിയോ ഡി ജനീറോ: ഒളിംപിക് വേദിക്ക് സമീപം മാധ്യമ പ്രവര്‍ത്തകര്‍ സഞ്ചരിച്ച ബസിനു നേരെ ആക്രമണം. അക്രമികള്‍ ബസിനു നേരെ വെടിയുതിര്‍ക്കുകയായിരുന്നു. റിയോയിലെ സുപ്രധാന മേഖലയായ ട്രാന്‍സ് ഒളിംപിക് ഹൈവേയിലാണ് സംഭവം നടന്നത്. രണ്ടു പേര്‍ക്ക് സാരമായി പരുക്കേറ്റിട്ടുണ്ടെന്നാണ് റിപ്പോര്‍ട്ട്.

എന്നാല്‍ സംഭവത്തെ പറ്റി വ്യത്യസ്ത തരം റിപ്പോര്‍ട്ടുകളും പുറത്തുവരുന്നുണ്ട്. ഇന്ത്യയില്‍ നിന്നുള്ള മാധ്യമ പ്രവര്‍ത്തകര്‍ ബസിലുണ്ടായിരുന്നോ എന്ന കാര്യത്തില്‍ വ്യക്തതയില്ല. എന്നാല്‍ തോക്കു മാത്രമല്ല. കല്ലുകളും ആക്രമത്തിന് ഉപയോഗിച്ചിട്ടുണ്ടെന്നാണ് റിപ്പോര്‍ട്ട്. സംഭവത്തില്‍ ഒളിംപിക് സംഘാടക സമിതി അന്വേഷണത്തിന് ഉത്തരവിട്ടിട്ടുണ്ട്.