കോതമംഗലം: കോട്ടപ്പടിക്ക് സമീപത്തെ പെട്രോള്‍ പമ്പില്‍ നിന്നും വീണ് കിട്ടിയ പണം വിദ്യാര്‍ഥികള്‍ ഉടമസ്ഥന് നല്‍കി.
കോട്ടപ്പടി മാര്‍ഏലിയാസ് സ്‌കൂളിലെ ഒന്‍പത്, 10 ക്ലാസുകളിലെ വിദ്യാര്‍ഥികളായ നിഖില്‍, ജസ്റ്റിന്‍, ഗോകുല്‍, എല്‍വിന്‍ എന്നിവര്‍ക്കാണ് പണം അടങ്ങിയ ബാഗ് വീണ് കിട്ടിയത്.പണവും ബാഗും കോട്ടപ്പടി പൊലിസ് സ്റ്റേഷനില്‍ വിദ്യാര്‍ഥികള്‍ എത്തിച്ചു. നെടുങ്ങപ്ര സ്വദേശി ജോസിന്റെതായിരുന്നു പണവും രേഖകളും അടങ്ങിയ ബാഗ്.
പൊലിസ് ഉടമസ്ഥനെ വിളിച്ചു വരുത്തുകയും വിദ്യാര്‍ഥികള്‍ എസ്.ഐ. എ.രമേശിന്റെ സാന്നിധ്യത്തില്‍ പണം കൈമാറുകയും ചെയ്തു.