ഈരാറ്റുപേട്ട: ഖുര്‍ആന്‍ പഠന കൂട്ടായ്മയായ മജ്‌ലിസുല്‍ ഖുര്‍ആനുല്‍ കരീമിന്റെ ആഭിമുഖ്യത്തില്‍ സ്വാതന്ത്ര്യ ദിനത്തില്‍ വിവിധ പരിപാടികള്‍ നടക്കും. രാവിലെ എട്ടിന് ഫൗസിയ അങ്കണത്തില്‍ അല്‍ ജംഇയ്യത്തുല്‍ ഫൗസിയ ട്രസ്റ്റ് ചെയര്‍മാന്‍ കെ.എം മുഹമ്മദ് ഈസാ മൗലവി പതാക ഉയര്‍ത്തും.
സ്വാതന്ത്ര്യദിന റാലി ഈരാറ്റുപേട്ട മുനിസിപ്പല്‍ ചെയര്‍മാന്‍ ടി.എം റഷീദ് ഫ്‌ളാഗ് ഓഫ് ചെയ്യും. പുത്തന്‍പള്ളി ഇമാം മുഹമ്മദ് നദീര്‍ മൗലവി സന്ദേശം നല്‍കും. രാവിലെ പത്തിന് വിദ്യാര്‍ഥികള്‍ പങ്കെടുക്കുന്ന ക്വിസ് മത്സരം നടക്കും. രാത്രി ഏഴിനുള്ള പൊതുയോഗത്തില്‍ പി.എം. മുഹമ്മദ് ആരിഫ് അധ്യക്ഷനാകും. പി.സി ജോര്‍ജ് എം.എല്‍.എ ഉദ്ഘാടനം ചെയ്യും. കാലിക്കറ്റ് യൂനിവേഴ്‌സിറ്റി മുന്‍ വൈസ് ചെയര്‍മാന്‍ ഡോ. കെ.എന്‍.എ. കുറുപ്പ് മുഖ്യ പ്രഭാഷണം നടത്തും.