വാടാനപ്പള്ളി: തീവ്രവാദത്തിനും, വര്‍ഗീയ ഫാസിസത്തിനുമെതിരേ ദേശീയോദ്ഗ്രഥന സന്ദേശവുമായി എസ്.കെ.എസ്.എസ്.എഫ് തൃശൂര്‍ ജില്ലാ കമ്മിറ്റി സംഘടിപ്പിക്കുന്ന ഭാരതീയം ചരിത്ര സ്മൃതി യാത്രക്ക് ഇന്ന് വൈകീട്ട് ആറുമണിക്ക് വാടാനപ്പള്ളിയില്‍ സ്വീകരണം നല്‍കും. വൈകുന്നേരം ആറു മണിക്ക് വാടാനപ്പള്ളി ഗ്രാമപഞ്ചായത്ത് സാംസ്‌കാരിക നിലയത്തില്‍ നടക്കുന്ന സ്വീകരണ സമ്മേളനം പാണക്കാട് സയ്യിദ് അബ്ബാസ് അലി ശിഹാബ് തങ്ങള്‍ ഉദ്ഘാടനം ചെയ്യും. മണലൂര്‍ എം.എല്‍.എ മുരളി പെരുനെല്ലി മുഖ്യാതിഥിയാകും. എസ്.കെ.എസ്.എസ്.എഫ് ജില്ലാ പ്രസിഡന്റ് സിദ്ധീക് ബദരി, ജില്ലാ സെക്രട്ടറി ഷെഹീര്‍ ദേശമംഗലം, ഹാഫിള് അബൂബക്കര്‍ സിദ്ധീഖ്, എ.ടി.എം ഫൈസി, സി.എ മുഹമ്മദ് റഷീദ്, കെ.ജെ യദുകൃഷ്ണ, എ.എം സനൗഫല്‍, ഷിജിത്ത് വടക്കുംഞ്ചേരി, ജാഫര്‍ മാസ്റ്റര്‍, മുഹമ്മദ് റാഷിദ്, സുധീര്‍ പട്ടലങ്ങാടി പ്രസംഗിക്കും.