കുന്നുംകൈ: മലയോരത്ത് തെരുവ് നായകളുടെ ശല്യം രൂക്ഷമായി. പെരുമ്പട്ട, കുന്നുംകൈ, മൌക്കോട്, പരപ്പച്ചാല്‍ എന്നിവിടങ്ങളിലാണ് പേ പിടിച്ച നായകളുടെ ശല്യം രൂക്ഷമാകുന്നത്. കഴിഞ്ഞ ദിവസം പെരുമ്പട്ടയിലെ എല്‍ കെ കുഞ്ഞാലി ഹാജിയുടെ വീട്ടു മുറ്റത്ത് കെട്ടിയിരുന്ന  ആടിനെ തെരുവ് നായകള്‍ കൂട്ടമായി  ആക്രമിച്ചു കൊന്നു. ഈ ഭാഗങ്ങളില്‍ ഇപ്പോഴും നായകളുടെ ശല്യം വര്‍ധിച്ചു വരികയാണ്.
ഒരാഴ്ച മുമ്പ് കുന്നുംകൈയില്‍ ഇതര സംസ്ഥാന തൊഴിലാളിക്കു നായയുടെ കടിയേറ്റിരുന്നു. തെരുവു നായകളെ നിയന്ത്രിക്കേണ്ട തദ്ദേശ ഭരണ സ്ഥാപനങ്ങള്‍ ഇത്തരം വിഷയത്തില്‍ കൈ മലര്‍ത്തുകയാണ്. അറവു ശാലകള്‍, കോഴിക്കടകള്‍ എന്നിവയില്‍ നിന്നുള്ള മാലിന്യങ്ങള്‍ തെരുവോരങ്ങളില്‍ തള്ളുന്നതാണ് പലപ്പോഴും തെരുവ് നായകളുടെ  വംശ വര്‍ധനയ്ക്ക് കാരണമെന്ന് നാട്ടുകാര്‍ പരാതിപ്പെടുന്നു.