നിലമ്പൂര്‍: നിലമ്പൂരില്‍ വാഹനാപകടത്തില്‍ അധ്യാപകന്‍ മരിച്ചു. ബ്രണ്ണന്‍ കോളജ് അധ്യാപകനായ കെ.വി സുധാകരനാണ് മരിച്ചത്. ഇന്ന് ഉച്ചയ്ക്കായിരുന്നു അപകടം.

പഠനസംഘത്തോടൊപ്പം നിലമ്പൂര്‍ കനോലി പ്ലോട്ട് കാണാന്‍ എത്തിയതായിരുന്നു സുധാകരന്‍. കടയില്‍ നിന്നും വെള്ളം വാങ്ങി റോഡ് മുറിച്ചുകടക്കുന്നതിനിടെ ടിപ്പര്‍ ലോറി ഇടിക്കുകയായിരുന്നു. കണ്ണൂര്‍ തിമിരി സ്വദേശിയായ ഇദ്ദേഹം മാതൃഭൂമി കാസര്‍ക്കോട് മുന്‍ ലേഖകനായിരുന്നു. ബ്രണ്ണന്‍ കോളജ് മാഗസിന്‍ പെല്ലറ്റിന്റെ സ്റ്റാഫ് എഡിറ്ററായിരുന്നു.