തിരൂരങ്ങാടി: മുസ്‌ലിം യൂത്ത്‌ലീഗ് കമ്മിറ്റി തുടങ്ങുന്ന പാണക്കാട് സയ്യിദ് മുഹമ്മദലി ശിഹാബ് തങ്ങള്‍ സ്മാരക പാലിയേറ്റീവ് കെയറിലേക്ക് കൊടിഞ്ഞി ജി.സി.സി കെ.എം.സി.സി ഉപകരണങ്ങള്‍ നല്‍കി.
ജി.സി.സി കെ.എം.സി.സിയുടെ പ്രതിനിധികളായ ഊര്‍പ്പായി ഷബീറലി, അന്‍വര്‍ പാലക്കാട്ട് എന്നിവര്‍ ഉപകരണങ്ങള്‍ കൈ മാറി. പാവപ്പെട്ട രോഗികള്‍ക്ക് വേണ്ടി വാട്ടര്‍ ബെഡ്, എയര്‍ ബെഡ്, വാക്കര്‍, വീല്‍ ചെയര്‍, മറ്റു ഉപകരണങ്ങളുമാണ് ആദ്യഘട്ടം നിലയില്‍ കെ.എം.സി.സി നല്‍കിയത്. നന്നമ്പ്ര പി.എച്ച്.സി കേന്ദ്രീകരിച്ചായിരിക്കും പ്രവര്‍ത്തനം. ചടങ്ങില്‍ ഷമീര്‍ പൊറ്റാണിക്കല്‍, ഒ.കെ മുഹമ്മദ് കുട്ടി, സക്കരിയ്യ ഇല്ലിക്കല്‍, രജസ്ഖാന്‍ മാളിയാട്ട്, മുബശിര്‍, അസ്‌ക്കര്‍, ഹാഷില്‍, വി.കെ ഷാഹുല്‍ സംബന്ധിച്ചു.