കണ്ണൂര്‍: മലബാറിന്റെ ജനകീയ ഇലക്ട്രോണിക്‌സ് ഷോറൂമായ നിക്ഷാന്‍ ഇലക്ട്രോണിക്‌സിന് പാനാസോണിക്കിന്റെ ആദരം. പാനാസോണിക്കിന്റെ കേരളത്തിലെ ഓണവിപണി വിലയിരുത്തലിനോടനുബന്ധിച്ച് പ്രതിനിധികള്‍ നോര്‍ത്ത് കേരള നമ്പര്‍ വണ്‍ ഡീലര്‍ക്കുള്ള അവാര്‍ഡ് നിക്ഷാന്‍ ഇലക്ട്രോണിക്‌സിന് കൈമാറി. പാനാസോണിക് എം.ഡി ഹിഡനോറി അസോയില്‍ നിന്നു നിക്ഷാന്‍ ഇലക്‌ട്രോണിക്‌സ് മാനേജിങ് പാട്ണര്‍ എം.എം.വി മൊയ്ദു പുരസ്‌കാരം എറ്റുവാങ്ങി. പാനാസോണിക് അസിസ്റ്റന്റ് ജനറല്‍ മാനേജര്‍ തോമസ് നിക്കോളാസ്, ജനറല്‍ മാനേജര്‍ പ്രദീപ് കുമാര്‍ സംബന്ധിച്ചു.

കണ്ണൂര്‍ റെയില്‍വേ സ്‌റ്റേഷനില്‍
ലിഫ്റ്റ് ഉദ്ഘാടനം നാളെ

കണ്ണൂര്‍: കണ്ണൂര്‍ റെയില്‍വേ സ്റ്റേഷനിലെ ലിഫ്റ്റ് നാളെ യാത്രക്കാര്‍ക്ക് തുറന്നുകൊടുക്കും. ഗോവ റെയില്‍വേ സ്റ്റേഷനില്‍ വച്ച് റെയില്‍വേ മന്ത്രി സുരേഷ്പ്രഭു വീഡിയോ കോണ്‍ഫറന്‍സ് വഴി ഉദ്ഘാടനം നിര്‍വഹിക്കും. രാവിലെ 10.30ന് കണ്ണൂര്‍ റെയില്‍വേ സ്റ്റേഷനില്‍ നടക്കുന്ന ചടങ്ങില്‍ മന്ത്രി രാമചന്ദ്രന്‍ കടന്നപ്പള്ളി, മേയര്‍ ഇ.പി ലത, എം.പിമാരായ പി.കെ ശ്രീമതി, കെ.കെ രാഗേഷ്, റിച്ചാര്‍ഡ് ഹേ, ജില്ലാ പഞ്ചായത്ത് പ്രസിഡന്റ് കെ.വി സുമേഷ് പങ്കെടുക്കും. റെയില്‍വേ സ്റ്റേഷന്റെ കിഴക്ക് ഭാഗത്ത് നിന്ന് രണ്ട്, മൂന്ന് പ്ലാറ്റ്‌ഫോമിലേക്കാണ് ലിഫ്റ്റ് വഴി ഉറങ്ങാന്‍ സാധിക്കുക. 76 ലക്ഷം രൂപ ചെലവഴിച്ചാണ് രണ്ട് ലിഫ്റ്റ് നിര്‍മിച്ചത്. യാത്രക്കാരുടെ പ്രശ്‌നങ്ങള്‍ പഠിക്കുകയും പരിഹാരത്തിനായി പ്രയത്‌നിക്കുകയും ചെയ്യുന്ന പി.കെ ശ്രീമതി എം.പിയെ റെയില്‍വേ ഡിവിഷന്‍ പാസഞ്ചേഴ്‌സ് അസോ. അനുമോദിച്ചു.