കണ്ണൂര്‍: തളിപ്പറമ്പിലെ പെനുവേല്‍ ഗാര്‍ഡനിലെ കുട്ടികള്‍ക്ക് സ്വാതന്ത്ര്യദിനാഘോഷം വേറിട്ട അനുഭവമാക്കി റാന്തല്‍ റെസ്‌റ്റോറന്‍ഡ്. പെനുവേല്‍ ഗാര്‍ഡനിലെ 15 വിദ്യാര്‍ഥിനികളും സിസ്റ്റര്‍മാരുമാണ് പരിപാടിയില്‍ പങ്കെടുത്തത്. സ്വാതന്ത്യദിനാഘോഷം പി.കെ ശ്രീമതി എം.പി കുട്ടികളോടൊപ്പം ചേര്‍ന്ന് കേക്ക് മുറിച്ച് ഉദ്ഘാടനം ചെയ്തു. തുടര്‍ന്ന് കണ്ണൂര്‍ നിയാസിന്റെ മാജിക് ഷോ അരങ്ങേറി. റാന്തലിന്റെ ഉടമസ്ഥരായ ശിഹാബുദ്ദീന്‍, സാദിഖ് അഹമ്മദ്, ആബിദ്, എയ്‌റോസിസ് കോളജ് ഓഫ് ഏവിയേഷന്‍ മാനേജിങ് ഡയറക്ടര്‍ ഡോ. ഷാഹുല്‍ ഹമീദ്, അമൃതാ രാമകൃഷ്ണന്‍, സിസ്റ്റര്‍മാരായ ഡോണ, ഹെലന്‍, ഐറിന്‍ പങ്കെടുത്തു. തുടര്‍ന്ന് വിദ്യാര്‍ഥികള്‍ പയ്യാമ്പലം ബീച്ച്, ലൈറ്റ് ഹൗസ് എന്നിവിടങ്ങളില്‍ സന്ദര്‍ശനം നടത്തി.