മലപ്പുറം: എസ്.കെ.എസ്.എസ്.എഫ് ജില്ലാ കമ്മിറ്റിയുടെ ആഭിമുഖ്യത്തില്‍ പ്രവര്‍ത്തിക്കുന്ന മഞ്ചേരി ജാമിഅഃ ഇസ്‌ലാമിയ്യയുടെ പ്രചാരണാര്‍ഥം ഇന്നു മഹല്ലുകളില്‍ മെസേജ് ദിനമാചരിക്കും. ജുമുഅയ്ക്കു ശേഷം ഉദ്‌ബോധനവും ഉള്ഹിയ്യത്ത് കര്‍മത്തെക്കുറിച്ചുള്ള ലഘുലേഖ വിതരണവും നടത്തും.
അടുത്ത വെള്ളിയാഴ്ച മഹല്ലുകളില്‍നിന്നു വാര്‍ഷിക വിഭവ ശേഖരണം നടത്തും. സന്ദേശദിനാചരണം വിജയിപ്പിക്കണമെന്നു ജാമിഅ ഇസ്‌ലാമിയ്യ പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ അഭ്യര്‍ഥിച്ചു. ലഘുലേഖ പ്രകാശനം സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി നിര്‍വഹിച്ചു. കണ്ണന്തളി മഹല്ല് ജനറല്‍ സെക്രട്ടറി സി.കെ.എം.ബാപ്പുട്ടി ഏറ്റുവാങ്ങി. അബ്ദുര്‍റഷീദ് അലി ശിഹാബ് തങ്ങള്‍, നിസാമുദ്ദീന്‍ തങ്ങള്‍, ഷാജഹാന്‍ ചെറുമുക്ക്, മഖ്‌സൂദ് ഫൈസി, സൈനുല്‍ ആബിദീന്‍ തങ്ങള്‍, ഷുകൈര്‍ ഫൈസി, സക്കീര്‍ ഫൈസി,ബഷീര്‍ ഫൈസി, അര്‍ഷദ് മുസ്‌ലിയാര്‍, അര്‍ഷദ് കാളാട് സംബന്ധിച്ചു.