മട്ടാഞ്ചേരി: ഫോര്‍ട്ടുകൊച്ചി തുരുത്തി മിനി മാര്‍ക്കറ്റിനു സമീപത്തെ പാലത്തിനോട് ചേര്‍ന്ന് സമാന്തരമായി കിടക്കുന്ന കുടിവെള്ള പൈപ്പ് പൊട്ടി വെള്ളം പാഴാകുന്നു.
പ്രതിദിനം പതിനായിരക്കണക്കിന് ലിറ്റര്‍ ജലമാണ് പാഴായി കൊണ്ടിരിക്കുന്നത്. പ്രദേശവാസികള്‍ കൗണ്‍സിലറോടും വാട്ടര്‍ അതോറിറ്റി അധികൃതരോടും പരാതിപെട്ടിട്ടും നടപടികള്‍ ആകാത്തത് പ്രതിഷേധത്തിന് ഇടയാക്കിയിട്ടുണ്ട്. കുടിവെള്ളം അമൂല്യമാണ്, പാഴാക്കരുതെന്ന സന്ദേശം നല്‍കുന്ന ജല അതോറിറ്റി ഇക്കാര്യത്തില്‍ നിസംഗത പുലര്‍ത്തുന്നത് ഏറെ വിമര്‍ശനങ്ങള്‍ക്കാണ് ഇടയാക്കിയിരിക്കുന്നത്.
അടിയന്തിരമായി ചോര്‍ച്ച പരിഹരിക്കാന്‍ നടപടി സ്വീകരിക്കണമെന്ന് പ്രദേശവാസികള്‍ ആവശ്യപ്പെട്ടു.