മണ്ണാര്‍ക്കാട്: ഉബൈദ് ചങ്ങലീരി സാംസ്‌കാരിക കേന്ദ്രം ഏര്‍പ്പെടുത്തിയ ഉബൈദ് പ്രതിഭാ പുരസ്‌കാര സമര്‍പ്പണം നാളെ രാവിലെ 10മണിക്ക് കുന്തിപ്പുഴ കമ്മ്യൂണിറ്റി ഹാളില്‍ നടക്കും. മാപ്പിളപ്പാട്ട് ഗായിക രഹ്നക്ക് അരിയൂര്‍ ബാങ്ക് സ്‌പോണ്‍സര്‍ ചെയ്യുന്ന 10,000 രൂപയും പ്രശസ്തി പത്രവും അടങ്ങുന്ന പുരസ്‌കാരം മുന്‍ മുഖ്യ മന്ത്രി ഉമ്മന്‍ ചാണ്ടി സമ്മാനിക്കും. മണ്ണാര്‍ക്കാട്ടെ കലാ സാഹിത്യ മേഖലയില്‍ ശ്രദ്ധേയരായ പാട്ടു പാടി ചിത്രം വരക്കുന്ന ഇല്യാസ് മണ്ണാര്‍ക്കാട്, യുവ ഗായകന്‍ മുഹ്‌സിന്‍ ചങ്ങലീരി, നാടന്‍ പാട്ടുകാരന്‍ അനീഷ് , വൈലോപ്പുള്ളി പുരസ്‌കാരജേതാവ് സുഷമ ബിന്ദു എന്നിവരെയും ആദരിക്കും. അഡ്വ. എന്‍ ഷംസുദ്ദീന്‍ എം.എല്‍.എ അധ്യക്ഷനാകും. കെ.പി.എസ് പയ്യനെടം പുരസ്‌കാര ജേതാക്കളെ പരിചയപെടുത്തും. അഡ്വ. ടി.എ. സിദ്ധീഖ് അവാര്‍ഡ് തുക കൈമാറും.