അന്നമനട :തകര്‍ന്ന കുടിലില്‍ ഏകാന്തനായി വൃദ്ധനും രോഗിയുമായ വേലായുധന്‍ ദുരിത ജീവിതത്തില്‍. ഉറ്റവരാരും സഹായത്തിനില്ലാതെ രോഗാതുരനായ വേലായുധന്‍ രണ്ട് പതിറ്റാണ്ട് കാലത്തിലേറെയായി വെസ്റ്റ് കൊരട്ടി മാമ്പ്ര പാറക്ക് സമീപം പുറമ്പോക്കില്‍ പ്ലാസ്റ്റിക് ഷീറ്റ് വലിച്ച് കെട്ടിയ കുടിലിലാണ് അന്തിയുറങ്ങുന്നത്.
ഏതാനും മാസം മുന്‍പാണ് ഒരു സായാഹ്നത്തിലുണ്ടായ ശക്തമായ കാറ്റിലും മഴയിലും കുടില്‍ തകര്‍ന്നത്.
ചോര്‍ന്നൊലിക്കുന്ന കുടിലില്‍ രോഗങ്ങളോട് പൊരുതി ജീവിക്കുന്ന വേലായുധന്‍ സുമനസുകളാരെങ്കിലും തന്റെ കുടില്‍ ചോര്‍ച്ച തീര്‍ത്ത് പുനര്‍ നിര്‍മിക്കാന്‍ സഹായിക്കുമെന്ന പ്രതീക്ഷയിലാണ് .
വേലായുധന്‍ താമസിക്കുന്ന കുടില്‍ നിലകൊള്ളുന്ന സ്ഥലം പുറംപോക്ക് ഭൂമിയായതിനാല്‍ പഞ്ചായത്ത് വഴി വീട് നിര്‍മാണത്തിനായി ഫണ്ട് നല്‍കാന്‍ കഴിയാത്ത സാഹചര്യമാണുള്ളതെന്നാണ് സാമൂഹ്യ പ്രവര്‍ത്തകര്‍ പറയുന്നത്