കരുവാരകുണ്ട്:  ഇരിങ്ങാട്ടിരി പാലത്തിങ്ങല്‍ റോഡിലെ കിടങ്ങ് അപകടങ്ങള്‍  പെരുകാന്‍ കാരണമാകുന്നു.
കരുവാരക്കുണ്ട്  മേലാറ്റൂര്‍ പാതയിലാണ് അപകടം പതിവാകുന്നത്. കഴിഞ്ഞ ദിവസം ഇവിടെയുണ്ടായ അപകടത്തില്‍ ബൈക്ക് യാത്രക്കാരന്‍ കഷ്ടിച്ചാണ് രക്ഷപെട്ടത്.  
റോഡിന്റെ ശോചനീയാവസ്ഥ പരിഹരിക്കാന്‍ രണ്ടുകോടി രൂപ കഴിഞ്ഞ സര്‍ക്കാരിന്റെ കാലത്ത് വകയിരുത്തിയിട്ടുണ്ട്. എന്നാല്‍ തുടര്‍നടപടികളൊന്നും നടന്നിട്ടില്ല. പെരിന്തല്‍മണ്ണ , പാലക്കാട് ,തൃശൂര്‍ എന്നിവിടങ്ങളിലേക്കുള്ള എളുപ്പ മാര്‍ഗംകൂടിയാണ് ഈ റോഡ്. മലയോര പ്രദേശത്ത് അത്യാഹിത സംഭവങ്ങള്‍ വരുന്ന ഘട്ടങ്ങളില്‍ ആശുപത്രികളില്‍ എത്തിക്കാനും ഈ റോഡ് തന്നെയാണ് ഉപയോഗിക്കുന്നത്.