ആലത്തൂര്‍: കേരള ജേര്‍ണലിസ്റ്റ് യൂണിയന്‍ (കെ.ജെ.യു) ജില്ലാ കമ്മിറ്റി സംഘടിപ്പിച്ച മാധ്യമ പഠന ക്യാംപ് സംസ്ഥാന പ്രസിഡന്റ് ബാബുതോമസ് ഉദ്ഘാടനം ചെയ്തു. ജില്ല പ്രസിഡന്റ് ബെന്നി വര്‍ഗീസ് അധ്യക്ഷനായി. പ്രാദേശിക പത്രപ്രവര്‍ത്തനം നേരിടുന്ന വെല്ലുവിളി എന്ന സെമിനാര്‍ ഇന്ത്യന്‍ ജേര്‍ണലിസറ്റ് യൂനിയന്‍ സെക്രട്ടറി ജനറല്‍ ജി. പ്രഭാകരന്‍ ഉദ്ഘാടനം ചെയ്തു. മാധ്യമ രംഗത്തെ മുല്യച്യുതി എന്ന വിഷയം കുര്യന്‍ പാമ്പാടി അവതരിപ്പിച്ചു. സമാപന സമ്മേളനം ഐ.ജെ.യു. നിര്‍വാഹക സമിതിയംഗം യു. വിക്രമന്‍ ഉദ്ഘാടനം ചെയ്തു. സംസ്ഥാന ജന.സെക്രട്ടറി അനില്‍ ബിശ്വാസ്, എം. സുഗതന്‍, മനോജ് സ്റ്റീഫന്‍, ബോബന്‍ ജോര്‍ജ്, ഇ.എം. ബാബു, ആര്‍. സുദേവന്‍, എം. സുധീര്‍ മേനോന്‍ സംസാരിച്ചു. പ്രാദേശിക പത്രപ്രവര്‍ത്തകരായ എം.എസ്. അബ്ദുള്‍ ഖുദ്ദുസ്, ലിയാക്കത്ത് അലിഖാന്‍, എം. മുജീബ് റഹ്മാന്‍, എസ്. ശ്രീജിത്ത് എന്നിവരെ ആദരിച്ചു.