ശിവഗിരി: ശാരദാമത്തില്‍ ശ്രീനാരായണ മാസത്തിന് തുടക്കം കുറിച്ചു.
പര്‍ണശാലയില്‍ശാന്തി ഹോമത്തെത്തുടര്‍ന്ന് ശിവഗിരി ശാരദാമഠത്തില്‍ ശിവഗിരി മഠം പ്രസിഡന്റ് സ്വാമി വിശുദ്ധാനന്ദ യുടെ നേതൃത്വത്തില്‍ ഗുരുകൃതികളുടെ പാരായണത്തോടെ തുടക്കംകുറിച്ചു.
ഗുരുദേവ സുപ്രഭാതം, ശാരദാ സുപ്രഭാതം എന്നിവയ്ക്കു ശേഷം വിനായാകാഷ്ടകം, ജനനീ നവരത്‌നകമഞ്ജരി, ഗുഹാഷ്ടകം, ശിവപ്രസാദ പജ്ഞകം, ആത്മോപദേശ ശതകം, ദര്‍ശനമാല തുടര്‍ന്ന് ഗുരുദേവ മൂലമന്ത്രമുപയോഗിച്ച് സമൂഹജപം, ധ്യാനം എന്നിവയ്ക്കു ശേഷം മംഗളാരതിയും പ്രസാദ വിതരണവും നടന്നു. ശ്രീനാരായണ മാസാചരണവും, ധര്‍മ്മചര്യാ യജ്ഞവും ബോധാനന്ദ സ്വാമിയുടെ സമാധി ദിനമായ സെപ്തംബര്‍ 25 വരെ തുടരും.
സ്വാമി വിശുദ്ധാനന്ദ, സ്വാമി അമേയാനന്ദ, സ്വാമി സച്ചിദാനന്ദ, സ്വാമി ഗോവിന്ദാ നന്ദ, ബ്രഹ്മപീഠം വിദ്യാര്‍ഥികള്‍ ചടങ്ങിന് നേതൃത്വം നല്‍കി.