പ്രിട്ടോറിയ: ഇന്ത്യ-ദക്ഷിണാഫ്രിക്ക എ ടീമുകളുടെ അനൗദ്യോഗിക ടെസ്റ്റ് പരമ്പരയിലെ രണ്ടാം മത്സരത്തില്‍ ദക്ഷിണാഫ്രിക്കയ്ക്ക് മികച്ച തുടക്കം. ആദ്യ ദിനം കളിയവസാനിക്കുമ്പോള്‍ അഞ്ചു വിക്കറ്റ് നഷ്ടത്തില്‍ 258 റണ്‍സെടുത്തിട്ടുണ്ട് ദക്ഷിണാഫ്രിക്ക.
സ്റ്റീവന്‍ കുക്ക്(98) ഐഡന്‍ മര്‍ക്രാം(74) എന്നിവരുടെ മികവിലാണ് ദക്ഷിണാഫ്രിക്ക മികച്ച സ്‌കോര്‍ സ്വന്തമാക്കിയത്. 205 പന്ത് നേരിട്ട കുക്ക് ഒന്‍പതു ബൗണ്ടറിയും ഒരു സിക്‌സറുമടിച്ചു. മര്‍ക്രാമിന്റെ ഇന്നിങ്‌സില്‍ ആറു ബൗണ്ടറിയും ഒരു സിക്‌സറുമുണ്ടായിരുന്നു. ഓംഫില്‍ റമേല(39*) പുറത്താകെ ക്രീസിലുണ്ട്. രണ്ടു വിക്കറ്റെടുത്ത ഷഹബാസ് നദീമും കൃഷ്ണപ്പ ഗൗതവുമാണ് ഇന്ത്യന്‍ നിരയില്‍ തിളങ്ങിയത്.