സിന്‍സിനാറ്റി: സൂപ്പര്‍ താരം റാഫേല്‍ നദാലിനെ വീഴ്ത്തി ആസ്‌ത്രേലിയയുടെ നിക് കിര്‍ഗിയോസ് സിന്‍സിനാറ്റി ഓപണ്‍ ടെന്നീസ് ടൂര്‍ണമെന്റിന്റെ സെമി ഫൈനലില്‍ പ്രവേശിച്ചു. ഏറെ കുറെ അനായാസമായാണ് കിര്‍ഗിയോസ് മത്സരം സ്വന്തമാക്കിയത്. സ്‌കോര്‍ 6-2, 7-5. ആദ്യ സെറ്റില്‍ നദാലിന് യാതൊരു അവസരവും നല്‍കാതെയാണ് കിര്‍ഗിയോസ് കളിച്ചത്. അവസാന സെറ്റില്‍ തോല്‍വി ഒഴിവാക്കാന്‍ നദാല്‍ പൊരുതിയെങ്കിലും ആസ്‌ത്രേലിയന്‍ താരത്തിന്റെ മികവിന് മുന്നില്‍ അടിപതറുകയായിരുന്നു.
സെമി ഫൈനലില്‍ സ്‌പെയിനിന്റെ ഡേവിഡ് ഫെററാണ് കിര്‍ഗിയോസിന് എതിരാളി. രണ്ടാമത്തെ സെമിയില്‍ 11ാം റാങ്ക് താരം ഗ്രിഗോര്‍ ദിമിത്രോവ് അമേരിക്കയുടെ ജോണ്‍ ഇസ്‌നറെ നേരിടും.