ന്യൂഡല്‍ഹി: അടുത്ത സീസണിലേക്കുള്ള ആഭ്യന്തര മത്സരങ്ങളുടെപട്ടിക ബി.സി.സി.ഐ പുറത്തിറക്കി. ദുലീപ് ട്രോഫിയെ പട്ടികയില്‍ ഉള്‍പ്പെടുത്തിയിട്ടില്ല. 56 ദിവസം നീണ്ടു നില്‍ക്കുന്ന ടൂര്‍ണമെന്റിനെ പതിയെ ഒഴിവാക്കുകയാണെന്നാണ് ബി.സി.സി.ഐ നല്‍കുന്ന സൂചന. അവസാന കരട് പട്ടികയാണ് ഇപ്പോള്‍ പുറത്തുവിട്ടിരിക്കുന്നത്. ബി.സി.സി.ഐ ആക്ടിങ് സെക്രട്ടറി അമിതാഭ് ചൗധരിയാണ് പട്ടിക പുറത്തിറക്കിയത്.
ഒക്ടോബര്‍ ആറിന് രഞ്ജി ട്രോഫിയോടെയാണ് സീസണിന് തുടക്കം കുറിക്കും. അവസാനിക്കുന്നത് ദേവ്ധര്‍ ട്രോഫിയിലാണ്.