അലനല്ലൂര്‍: ശൈഖ് കമാലുദ്ധീന്‍ എന്ന കമ്മുസൂഫി (ന:മ) യുടെ വര്‍ഷം തോറും നടത്തി വരാറുള്ള തെയ്യോട്ടുചിറ ആണ്ട് നേര്‍ച്ചയും കെ.എം.ഐ.സി കമാലിയ്യ അറബിക് കോളജ് സനദ് ദാന സമ്മേളനവും ഈ മാസം 23 മുതല്‍ 28 കൂടിയ ദിവസങ്ങളില്‍ തെയ്യോട്ടുചിറയില്‍ നടക്കും.
ബുധനാഴ്ച്ച ഒന്‍പതിന് സയ്യിദ് ഉണ്ണി കോയ തങ്ങള്‍ കുരുവമ്പലം കൊടി ഉയര്‍ത്തും. വൈകിട്ട് ഏഴിന് നടക്കുന്ന കല്ലുര്‍ ഉസ്താദ് അനുസ്മരണത്തില്‍ ജസീല്‍ കമാലിയും, തുടര്‍ന്ന് നടക്കുന്ന മതപ്രഭാഷണത്തില്‍ മന്‍സൂര്‍ അലി ദാരിമിയും പ്രഭാഷണം നടത്തും.
24ന് ഉച്ചക്ക് രണ്ടിന് കുടുംബസംഗമവും രാതി ഏഴിന് നവാസ് മന്നാനിയും, 25 വെള്ളി ഏഴിന് ജലീല്‍ റഹ്മാനി വാണിയന്നൂരും പ്രഭാഷണം നടത്തും.
26ന് രാവിലെ 10ന് കമാലി സംഗമത്തില്‍ ജാഫര്‍ താനൂരും, ഉച്ചക്ക് രണ്ടിന് നടക്കുന്ന ഫിഖ്ഹ് കോണ്‍ഫറന്‍സില്‍ ഹംസ അല്‍ഹൈതമിയും ക്ലാസെടുക്കും. രാത്രി ഇഫ്ശാഅ ബുര്‍ധയും മജ്‌ലിസുന്നൂറും നടക്കും.
തുടര്‍ന്ന് പതിനായിരങ്ങള്‍ പങ്കെടുക്കുന്ന ദിക്‌റ് ദുആ സമ്മേളനവും, സനദ് ദാന മാഹാസമ്മേളനവും നടക്കും. പാണക്കാട് റഷീദലി ശിഹാബ് തങ്ങള്‍ ഉദ്ഘാടനം ചെയ്യും. ഏലംകുളം ബാപ്പു മുസ്‌ലിയാര്‍ ദിക്‌റ് ദുഅക്ക് നേതൃത്വം നല്‍കും.
സി.എച്ച് അബ്ദുറഹ്മാന്‍ വഹബി സനദ്‌നാന പ്രഭാഷണവും നടത്തും. 27ന് രാത്രി ഏഴിന് മാത്തൂര്‍ ഉസ്താദ് ഖത്തം ദുഅക്ക് നേതൃത്വം നല്‍കും. 28ന് എട്ടിന് മൗലിദ് പരായണം നടക്കും. ഇമ്പിച്ചി കോയ തങ്ങള്‍ കൊടക്കാട് നേതൃത്വം നല്‍കും.
തുടര്‍ന്ന് നടക്കുന്ന അന്നദാനത്തില്‍ ജാതി മത ഭേതമന്യേ പതിനായിരങ്ങള്‍ പങ്കെടുക്കും.