അരൂക്കുറ്റി: വടുതല നദ്‌വത്തുല്‍ ഇസ്‌ലാം യു.പി സ്‌കൂള്‍  പി.ടി.എയും എക്‌സൈസ്‌വകുപ്പും സംയുക്തമായി സ്‌കൂള്‍ കുട്ടികള്‍ക്കു ലഹരിവിരുദ്ധ ബോധവല്‍ക്കരണ  പരിപാടിക്കു തുടക്കമായി.
ചേര്‍ത്തല എക്‌സൈസ് സര്‍ക്കിള്‍ ഓഫിസ്ഇന്‍സ്‌പെക്ടര്‍ പി സുരേഷ്‌കുമാര്‍ ഉദ്ഘാടനം ചെയ്തു. കാര്‍ത്തികപ്പള്ളി എക്‌സൈസ്‌റെയ്ഞ്ച് പ്രിവെന്റീവ് ഓഫിസര്‍ ആര്‍ അശോകന്‍ ക്ലാസ് നയിച്ചു.
ലഹരിക്ക് അടിമപ്പെടുന്നവര്‍ വ്യക്തിജീവിതത്തിലും സമൂഹത്തിലും രാജ്യത്തും സൃഷ്ടിക്കുന്ന പ്രത്യാഘാതങ്ങള്‍ മാരകമാണെന്ന് വിദ്യാര്‍ത്ഥികളില്‍ അവബോധം നിലനിര്‍ത്തുന്നതിന് തുടര്‍ പരിപാടികള്‍ വേണമെന്ന് അദ്ദേഹം പറഞ്ഞു.
'ലഹരിപ്പൊതി, മരണപ്പൊതി' എന്ന ടെലിഫിലിം പ്രദര്‍ശനവും നടത്തി.
ടീച്ചര്‍-ഇന്‍ ചാര്‍ജ് സി.എം സലീമ അധ്യക്ഷത വഹിച്ചു. പി.ടി.എ പ്രസിഡന്റ് ജലീല്‍ അരൂക്കുറ്റി, പി.ടി.എ വൈസ് പ്രസിഡന്റ് സുരേഷ്ബാബു, സീനിയര്‍ അസിസ്റ്റന്റ് റംലത്ത്,സ്‌കൂള്‍ ലീഡര്‍ അല്‍ഫിയ നൗഷര്‍ എന്നിവര്‍ സംസാരിച്ചു. പി.ടി.എ സെക്രട്ടറി  പി.എ അന്‍സാരി സ്വാഗതവും സ്റ്റാഫ് സെക്രട്ടറി ജസീന  നന്ദിയും പറഞ്ഞു.