മലപ്പുറം: സാഹിത്യഭൂമിയുടെ ഇരുപത്തിയൊന്നാമത് ചെറുകഥാ പുരസ്‌കാരം ഭാസ്‌ക്കരന്‍ ചേലേമ്പ്രക്ക്. 5001 രൂപയും ശില്‍പ്പവും അടങ്ങുന്നതാണ് പുരസ്‌കാരം. 'അടയാളങ്ങള്‍' എന്ന ചെറുകഥയാണ് അവാര്‍ഡിനായി തെരഞ്ഞെടുത്തത്. അമേച്വര്‍ നാടകങ്ങളിലും സിനിമകളിലും അഭിനയിച്ചിട്ടുള്ള ഭാസ്‌കരന്‍ ചേലേമ്പ്ര ഇപ്പോള്‍ സുപ്രഭാതം ദിനപത്രം കോഴിക്കോട് യൂനിറ്റിലെ സര്‍ക്കുലേഷന്‍ മാനേജരാണ്. മംഗളം, ഡെക്കാന്‍ക്രോണിക്കിള്‍ പത്രങ്ങളിലും സര്‍ക്കുലേഷന്‍ മാനേജരായി ജോലി ചെയ്തിരുന്നു. ഭാര്യ: ഡെയ്‌സി ഭാസ്‌ക്കര്‍. മകള്‍: ശില്‍പ്പ ഭാസ്‌ക്കര്‍.

സെപ്റ്റംബറില്‍ മലപ്പുറത്തു നടക്കുന്ന ചടങ്ങില്‍ അവാര്‍ഡ് വിതരണം ചെയ്യുമെന്ന് സാഹിത്യഭൂമി സെക്രട്ടറി പ്രമോദ് മണ്ണില്‍തൊടി അറിയിച്ചു.