വളാഞ്ചേരി: വിദ്യാര്‍ഥി രാഷ്ട്രീയം കലാലയ ഉന്നതി ലക്ഷ്യംവച്ച് രൂപകല്‍പന ചെയ്യുന്നതില്‍ വിദ്യാര്‍ഥി യൂനിയനുകള്‍ ശ്രദ്ധിക്കണമെന്ന് പി.വി അബ്ദുല്‍ വഹാബ് എം.പി. വളാഞ്ചേരി എം.ഇ.എസ് കെ.വി.എം കോളജ് വിദ്യാര്‍ഥി യൂനിയന്‍ ഉദ്ഘാനം ചെയ്ത് സംസാരിക്കുകയായിരുന്നു അദ്ദേഹം.
കലാലയങ്ങള്‍ കലാപഭൂമികളാക്കാതെ ഉന്നത ചിന്തയുടെയും സര്‍ഗാത്മക പ്രവര്‍ത്തനങ്ങളുടെയും കേന്ദ്രങ്ങളാക്കാന്‍ വിദ്യാര്‍ഥികളുടെ കൂട്ടായ ശ്രമങ്ങള്‍ വേണമെന്നും അദ്ദേഹം ആവശ്യപ്പെട്ടു. പ്രിന്‍സിപ്പല്‍ ഡോ. അബ്ദുല്‍ഹമീദ് അധ്യക്ഷനായി.
പ്രൊഫ. കെ.പി ഹസ്സന്‍, കൗണ്‍സിലര്‍ പി.പി ഹമീദ്, ഷാജിദ് വളാഞ്ചേരി, പ്രൊഫ. എസ്. ദിനില്‍, പ്രൊഫ. എ.എം.പി ഹംസ, യൂനിയന്‍ ചെയര്‍മാന്‍ ഷിറാസ് പുത്തന്‍ വീട്ടില്‍, ജന. സെക്രട്ടറി കെ.കെ അസ്‌ലം, വൈസ് ചെയര്‍മന്‍ ഹസീന കെ.കെ തസ്‌നീം, പി.ടി സല്‍മാനുല്‍ ഫാരിസ് സംസാരിച്ചു.