ന്യൂഡല്‍ഹി: ജീവനക്കാരന്‍ തലകറങ്ങി വീണതിനെ തുടര്‍ന്ന് ഖത്തര്‍ എയര്‍വേയ്‌സ് വിമാനം ഹൈദാരാബാദ് വിമാനത്താവളത്തില്‍ അടിയന്തിരമായി തിരിച്ചിറക്കി. ദോഹയില്‍ നിന്ന് ബാലിയിലേക്ക് പോകേണ്ട ക്യൂ 964 വിമാനമാണ് വെള്ളിയാഴ്ച്ച അര്‍ധരാത്രി തിരിച്ചിറക്കിയത്. 240 യാത്രക്കാരുമായി പുലര്‍ച്ചെ മൂന്നു മണിക്കാണ് വിമാനം ടേക്ക് ഓഫ് ചെയ്തത്.
വിമാനം പറന്നുയര്‍ന്നതോടെ ജീവനക്കാരന്‍ തലകറങ്ങി വീഴുകയായിരുന്നു.ഇയാളെ അപ്പോളോ ആശുപത്രിയില്‍ പ്രവേശിപ്പിച്ചു. ജീവനക്കാരന്‍ അപകടനില തരണം ചെയ്തതായി ആശുപത്രി അധികൃതര്‍ അറിയിച്ചു.