ന്യൂഡല്‍ഹി: ഗുര്‍മീതിന്റെ സിര്‍സായിലെ ആസ്ഥാന കേന്ദ്രത്തില്‍ പ്രവേശിക്കില്ലെന്ന് സൈന്യം. തല്‍ക്കാലം അത്തരം പ്രവൃത്തികളില്‍ ശ്രദ്ധിക്കുന്നില്ലെന്നും പ്രദേശത്ത് സമാധാനാന്തരീക്ഷം പുനഃസ്ഥാപിക്കാനാണ് സൈന്യം ശ്രമിക്കുന്നതെന്നും സൈനിക വക്താവ് പറഞ്ഞു.
സിര്‍സായിലെ ആശ്രമത്തിന് പുറത്ത് അര്‍ധസൈനിക വിഭാഗം സുരക്ഷ ശക്തിപ്പെടുത്തിയിട്ടുണ്ട്. ഇവിടെ ബാരിക്കേഡുകള്‍ സ്ഥാപിച്ചു. സിര്‍സായില്‍ സൈന്യം പ്രവേശിക്കുമെന്ന് അഭ്യൂഹങ്ങളുണ്ട്. എന്നാല്‍ അത്തരമൊരു സാധ്യതയുമില്ലെന്നും മേജര്‍ ജനറര്‍ രാജ്പാല്‍ പൂനിയ വ്യക്തമാക്കി. അതേസമയം ദേരാ മാനേജ്‌മെന്റ് പ്രതിനിധികളുമായി ചര്‍ച്ച നടത്തി അവരെ ഒഴിപ്പിക്കാനുള്ള നടപടികള്‍ ഉടനുണ്ടാകുമെന്നും അദ്ദേഹം കൂട്ടിച്ചേര്‍ത്തു.