നിലമ്പൂര്‍: അയ്യങ്കാളി ദിനമായ 28ന് കോളജ് ഓഫിസുകള്‍ക്ക് അവധിയില്ല. ഇതുസംബന്ധിച്ചുള്ള ഉന്നത വിദ്യാഭ്യാസ വകുപ്പിന്റെ ഉത്തരവ് ഇന്നലെ പുറത്തിറങ്ങി.
ഐ.എച്ച്.ആര്‍.ഡിക്കു കീഴിലുള്ള സ്ഥാപനങ്ങള്‍, എല്‍.ബി.എസ്, എസ്.സി.ടി, ആര്‍ട്‌സ് ആന്‍ഡ് സയന്‍സ് കോളജുകള്‍ തുടങ്ങിയവയുടെ ഓഫിസുകളാണ് തുറന്നുപ്രവര്‍ത്തിക്കുക. എം.ബി.ബി.എസ്, ബി.ഡി.എസ് കോഴ്‌സുകളിലേക്കുള്ള എന്‍ട്രന്‍സ് പരീക്ഷാ അലോട്ട്‌മെന്റ് 27ന് പ്രസിദ്ധീകരിക്കുന്നതിനാണ് ഓഫിസുകള്‍ക്ക് അവധിയില്ലാത്തത്. അലോട്ട്‌മെന്റ് ലഭിച്ച കുട്ടികള്‍ക്ക് പഠിച്ചുകൊണ്ടിരിക്കുന്ന സ്ഥാപനത്തില്‍നിന്ന് ടി.സിയും മറ്റു രേഖകളുംവിതരണം ചെയ്യേണ്ടതിനാല്‍ 28, 29 തിയതികളില്‍ സ്ഥാപനങ്ങള്‍ തുറന്നുപ്രവര്‍ത്തിക്കണമെന്നാണ് ഉത്തരവിലുള്ളത്. ടി.സിയും മറ്റും വിതരണംചെയ്യുന്ന ജീവനക്കാര്‍ ഡ്യൂട്ടിക്ക് ഹാജരാകണമെന്നാണ് നിര്‍ദേശം