തലശ്ശേരി: പതിനാറു വര്‍ഷമായി മുങ്ങി നടക്കുകയായിരുന്ന തൃശ്ശൂര്‍ സ്വദേശിയെ തലശ്ശേരി പൊലിസ് അറസ്റ്റ് ചെയ്തു. തൃശ്ശൂര്‍ വെട്ടുകാട് ചാഴൂരിലെ വലിയ പറമ്പത്ത് സുനിലാ(53)ണ് പിടിയിലായത്. എരഞ്ഞോളി അരങ്ങേറ്റ്പറമ്പിലെ ഭാര്യാ ബന്ധുവിന്റെ ഏഴര പവന്‍ സ്വര്‍ണവുമായി കടന്ന കേസിലെ പ്രതിയാണ് സുനില്‍. ഇയാള്‍ നാടു വിടുമ്പോള്‍ കൂടെ ഭാര്യയുടെ സഹോദരിയെയും കൂട്ടിക്കൊണ്ടു പോയിരുന്നതായി പൊലിസ് പറഞ്ഞു. കോടതി ഇയാളെ പിടികിട്ടാപ്പുള്ളിയായി പ്രഖ്യാപിക്കുകയായിരുന്നു. തലശ്ശേരി സി.ഐ പ്രദീപന്‍ കണ്ണിപ്പൊയില്‍, എ.എസ്.ഐ അബ്ദുല്‍ റസാഖ്, സീനിയര്‍ സിവില്‍ പൊലിസ് ഒാഫിസര്‍ പ്രതീഷ് എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്. തലശ്ശേരി അഡീഷണല്‍ ചീഫ് ജുഡീഷ്യല്‍ മജിസട്രേറ്റ് കോടതി പ്രതിയെ റിമാന്‍ഡ് ചെയ്തു.