മേപ്പാടി: മേപ്പാടി പഞ്ചായത്തിലെ താഞ്ഞിലോട് കനത്ത മഴയില്‍ കിണര്‍ ഇടിഞ്ഞ് താഴ്ന്നു. താഞ്ഞിലോട് കക്കോത്ത് കുഞ്ഞഹമ്മദിന്റെ കിണറാണ് ഇടിഞ്ഞ് താഴ്ന്നത്. നല്ല താഴ്ച്ചയുള്ള കിണറാണ് പൂര്‍ണമായും ഇടിഞ്ഞത്.
കഴിഞ്ഞ ദിവസം ഉണ്ടായ കനത്ത മഴക്കിടയിലാണ് 22 റിങ്ങ് ഉള്ള കിണര്‍ താഴ്ന്നത്. പ്രദേശത്തെ മൂന്ന് കുടുംബങ്ങള്‍ കുടിവെള്ളത്തിനായി ആശ്രയിക്കുന്ന കിണറാണിത്. പത്ത് വര്‍ഷം പഴക്കമുള്ള കിണറില്‍ മോട്ടോര്‍ സ്ഥാപിച്ചായിരുന്നു വെള്ളം ശേഖരിച്ചിരുന്നത്. വില്ലേജ് അധികൃതര്‍ സ്ഥലം സന്ദര്‍ശിച്ചു.
നഷ്ടപരിഹാരം നല്‍കണമെന്ന് ആവശ്യപെട്ട് കുടുംബം പരാതി നല്‍കി.