സുല്‍ത്താന്‍ ബത്തേരി: കോര്‍പ്പറേഷന്‍, നഗരസഭകളിലെ ദേശിയ സംസ്ഥാന പാതയോരത്ത് പ്രവര്‍ത്തിക്കുന്ന മദ്യശാലകള്‍ തുറന്ന് പ്രവര്‍ത്തിക്കുന്നതിന് സര്‍ക്കാര്‍ അനുമതി നല്‍കിയതോടെ സുല്‍ത്താന്‍ ബത്തേരിയില്‍ മദ്യശാലകള്‍ തുറന്നു. സുപ്രീം കോടതി വിധിയെ തുടര്‍ന്ന് അടച്ചുപൂട്ടിയ ദേശീയ പാതയോരത്തെ രണ്ടു ബിയര്‍ ആന്‍ഡ് വൈന്‍ പാര്‍ലറുകളാണ് ഇന്നലെ വൈകിട്ട് തുറന്നത്. റഹീം മെമ്മോറിയല്‍ റോഡില്‍ പ്രവര്‍ത്തിക്കുന്ന ദി റിസോര്‍ട്ട്, ചുങ്കത്ത് പ്രവര്‍ത്തിക്കുന്ന പ്രിന്‍സ് എന്നീ ബിയര്‍ ആന്‍ഡ് വൈന്‍ പാര്‍ലറുകളാണ് വീണ്ടും പ്രവര്‍ത്തനമാരംഭിച്ചത്. എക്‌സൈസ് അസി. കമ്മളഷണര്‍ പി.എ ഹരീന്ദ്രന്റെ നേതൃത്വത്തിലുള്ള ഉദ്യോഗസ്ഥര്‍ വൈകിട്ട് മദ്യശാലകളിലെത്തി പ്രവര്‍ത്തനങ്ങള്‍ വിലയിരുത്തി.