എരുമപ്പെട്ടി: രാജ്യത്ത് വര്‍ധിച്ചു വരുന്ന അരക്ഷിതാവസ്ഥക്ക് അറുതിവരുത്താന്‍ ധാര്‍മിക വിദ്യഭ്യാസത്തിനേ കഴിയൂവെന്ന് പാണക്കാട് സയ്യിദ് മുനവറലി ശിഹാബ് തങ്ങള്‍ പറഞ്ഞു.
പന്നിത്തടം ലിവാഉല്‍ ഇസ്‌ലാം മദ്‌റസയില്‍ നടന്ന എരുമപ്പെട്ടി റെയ്ഞ്ച് സില്‍വര്‍ ജൂബിലി സ്വാഗതസംഘം ഓഫിസ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ചടങ്ങില്‍ സ്വാഗതസംഘം ചെയര്‍മാന്‍ സിംലഹസന്‍ അധ്യക്ഷനായി.
സമസ്ത കേരള സുന്നി മഹല്ല് ഫെഡറേഷന്‍ ജില്ലാ സെക്രട്ടറി ഹംസ ബിന്‍ ജമാല്‍ റംലി,എരുമപ്പെട്ടി റെയ്ഞ്ച് പ്രസിഡന്റ് മുഹമ്മദലി ലത്വീഫി,ഉസ്മാന്‍ കല്ലാട്ടയില്‍ എന്നിവര്‍ പങ്കെടുത്തു.
സ്വഗതസംഘം ജനറല്‍ കന്‍വിനര്‍ എസ്.പി.ഉമ്മര്‍ സ്വാഗതവും പ്രോഗ്രാം കമ്മിറ്റി കന്‍വിനര്‍ എം.എച്ച് നൗഷാദ് നന്ദിയും പറഞ്ഞു.