അഹമ്മദാബാദ്: സര്‍ക്കാര്‍ സര്‍വിസിലുള്‍പ്പെടെ സംവരണത്തിനായി സമരം ചെയ്യുന്ന പട്ടേല്‍ സമുദായ നേതാവ് ഹാര്‍ദ്ദിക് പട്ടേലിനെ അഹമ്മദാബാദ് ക്രൈം ബ്രാഞ്ച് അറസ്റ്റ് ചെയ്തു.
ആനന്ദ് ജില്ലയിലെ ചികോദ്ര ചൗക്ദിയില്‍ വച്ച് ഇന്നലെ വൈകുന്നേരമാണ് അറസ്റ്റ് ചെയ്തത്. ഭീഷണിപ്പെടുത്തല്‍, കൊള്ളയടിക്കല്‍ തുടങ്ങിയ കുറ്റങ്ങളാരോപിച്ചാണ് അദ്ദേഹത്തെ അറസ്റ്റ് ചെയ്തത്. ഹാര്‍ദിക്കിന്റെ അടുത്ത അനുയായിയായ ദിനേശ് ബംബാനിയയും അറസ്റ്റിലായിട്ടുണ്ട്. ഇയാളെ ഇതേ കേസില്‍ രാജ്‌കോട്ടില്‍ വച്ചാണ് അറസ്റ്റ് ചെയ്തത്.
പട്ടേല്‍ സമുദായത്തിന് സംവരണം ആവശ്യപ്പെട്ട് സമരം ചെയ്യുന്ന സാഹചര്യത്തില്‍ ഗുജറാത്തിലെ സര്‍ക്കാരിനും ബി.ജെ.പിക്കും കണ്ണിലെക്കരടാണ് ഹാര്‍ദ്ദിക് പട്ടേല്‍.