ബദിയടുക്ക: പഞ്ചായത്ത് കുടുംബശ്രീ ശാക്തികരണത്തിന്റെ ഭാഗമായി പൂപ്പൊലി ജൈവ പച്ചക്കറി ഓണ വിപണന മേള ബദിയടുക്ക ബസ്സ്റ്റാന്‍ഡ് കോംപ്ലക്‌സില്‍ ആരംഭിച്ചു. പഞ്ചായത്ത് പ്രസിഡന്റ് കെ.എന്‍ കൃഷ്ണ ഭട്ട് ദീപം കൊളുത്തി ഉദ്ഘാടനം ചെയ്തു.
സി.ഡി.എസ് ചെയര്‍പഴ്‌സണ്‍ പ്രേമ ഗണേശ് അധ്യക്ഷയായി. പഞ്ചായത്ത് വൈസ് പ്രസിഡന്റ് സൈബുന്നിസ മൊയ്തിന്‍ കുട്ടി , വെല്‍ഫേര്‍ സ്റ്റാന്‍ഡിങ് കമ്മിറ്റി ചെയര്‍മാന്‍മാരായ അന്‍വര്‍ ഓസോണ്‍, സബാന, പഞ്ചായത്ത് അംഗങ്ങളായ വിശ്വനാഥ പ്രഭു, ബാലകൃഷ്ണ ഷെട്ടി തുടങ്ങിയവര്‍ ചടങ്ങില്‍ സംബന്ധിച്ചു. ജൈവ പച്ചക്കറി, പച്ചിലക്കറി വിഭവങ്ങള്‍, നാടന്‍ വിഭവങ്ങള്‍, ചക്കകോണ്ടുണ്ടാക്കിയ പലഹാരങ്ങള്‍, തുളുനാട്ടില്‍ മാത്രം കണ്ട് വരാറുള്ള വിവിധ പലഹാരങ്ങളുടെ പ്രദര്‍ശനവും വില്‍പനയും മേളയില്‍ ഒരുക്കിയിട്ടുണ്ട്.