വഴിക്കടവ്: ടൗണിലെ കടകളില്‍ വീണ്ടും കവര്‍ച്ച. എം.കെ സ്‌റ്റോര്‍, വി.പി ചിക്കന്‍ സ്റ്റാള്‍, മുഫിന്‍സ് ബേക്കറി എന്നീ കടകളിലാണ് കവര്‍ച്ച നടന്നത്. ഓടിളക്കി മാറ്റിയാണ് കടകളുടെ അകത്തുകടന്നത്. കടകളില്‍ പണം സൂക്ഷിച്ചിട്ടില്ലാത്തതിനാല്‍ സാധനങ്ങളും മറ്റുമാണ് കവര്‍ന്നത്.
എം.കെ സ്‌റ്റോറിലെ സി.സി.ടി.വി കാമറയില്‍ മോഷ്ടാവ് ഓടിളക്കി മാറ്റുന്ന ദൃശ്യങ്ങള്‍ പതിഞ്ഞത് അന്വേഷണത്തിന് സഹായകമായി. പ്രതിയായ പതിനാലുകാരനെപ്പറ്റി പൊലിസിന് വിവരം ലഭിച്ചതായാണ് സൂചന.
രണ്ടാഴ്ചക്കിടെ നടക്കുന്ന നാലാമത്തെ കവര്‍ച്ചയാണ് ഇത്. മുന്‍പ് നടന്ന കവര്‍ച്ചകളിലും പതിനാലുകാരന്റെ പങ്ക് പൊലിസ് നേരത്തെസ്ഥിരീകരിച്ചതാണ്. സംഭവത്തില്‍ കൂടുതല്‍ പ്രതികള്‍ ഉണ്ടോ എന്ന് എസ്.ഐ.എ അഭിലാഷിന്റെ നേതൃത്വത്തില്‍ അന്വേഷിച്ച് വരികയാണ്.