കായംകുളം : ഓച്ചിറ പരബ്രഹ്മസേവാസമിതിയുടെ ആഭിമുഖ്യത്തില്‍ ഓണക്കോടി വിതരണവും അവാര്‍ഡുദാനവും അടുത്ത മാസം ഒന്നിന് നടക്കും. കൃഷ്ണപുരം ആര്‍.വി.എല്‍.പി.എസില്‍ നടക്കുന്ന സമ്മേളനം ഭരണിക്കാവ് ബ്ലോക്ക് പഞ്ചായത്തു പ്രസിഡന്റ് രജനി ജയദേവ് ഉദ്ഘാടനം ചെയ്യും.അവാര്‍ഡ് ദാനം ലൈബ്രറി കൗണ്‍സില്‍ അംഗം മുഞ്ഞിനാട്ട് രാമചന്ദ്രനും ചികിത്സാ സഹായ വിതരണം എസ്.എന്‍.ട്രസ്റ്റ് അംഗം എസ്.ശശിധരന്‍ അനിയന്‍സും വിതരണം ചെയ്യും.പ്രസിഡന്റ് എന്‍.വാസുദേവല്‍ അധ്യക്ഷത വഹിക്കും.