നീര്‍ക്കുന്നം: അറിവിന്‍ വിളക്കത്ത് ഒന്നിച്ചിരിക്കാം പ്രമേയത്തില്‍ ഒക്ടോബര്‍ 19, 20, 21 തിയതികളില്‍ അത്തിപ്പറ്റ ഫത്ഹുല്‍ ഫത്താഹില്‍ ശാലിയാത്തി നഗറില്‍ നടക്കുന്ന എസ്.കെ.എസ്.എസ്.എഫ് കേരള ത്വലബ കോണ്‍ഫറന്‍സിന്റെ പ്രചരണ പ്രവര്‍ത്തനങ്ങള്‍ക്ക് ജില്ലയില്‍ തുടക്കമായി.
കോണ്‍ഫറന്‍സിന്റെ ഭാഗമായി പ്രസംഗ മത്സരം, മുതഅല്ലിം സര്‍വ്വേ, സെമിനാര്‍ തുടങ്ങിയ പരിപാടികള്‍ സംഘടിപ്പിക്കും. കൊല്ലത്ത് നടക്കുന്ന ദക്ഷിണ കേരള ത്വലബ കോണ്‍ഫറന്‍സില്‍ ജില്ലയില്‍ നിന്ന് 50 പ്രതിനിധികളെ പങ്കെടുപ്പിക്കും.
യോഗത്തില്‍ എസ്.കെ.എസ്.എസ്.എഫ് ജില്ലാ ജനറല്‍ സെക്രട്ടറി മവാഹിബ് അരീപ്പുറം അധ്യക്ഷത വഹിച്ചു. സംസ്ഥാന ഓര്‍ഗനൈസിംഗ് സെക്രട്ടറി സയ്യിദ് അബ്ദുല്ല തങ്ങള്‍ ഐദ് റൂസി ഉദ്ഘാടനം ചെയ്തു. സംസ്ഥാന സെക്രട്ടേറിയറ്റ് അംഗം നവാസ് എച്ച്.പാനൂര്‍ പ്രമേയ പ്രഭാഷണം നടത്തി. ത്വലബ സംസ്ഥാന ജനറല്‍ കണ്‍വീനര്‍ സമ്മേളന പ്രൊജക്ട് അവതരിപ്പിച്ചു. സയ്യിദ് ഹാഷിം തങ്ങള്‍, ബിലാല്‍ പുന്നപ്ര, തന്‍വീര്‍ മണ്ണഞ്ചേരി, മുജീബ് മണ്ണഞ്ചേരി, റഫീഖ് കാക്കാഴം സംസാരിച്ചു. ചെയര്‍മാന്‍ എ മാഹീന്‍ അബൂബക്കര്‍ ഫൈസി കാക്കാഴം സ്വാഗതവും ജനറല്‍ കണ്‍വീനര്‍ ഫിര്‍ദൗസ് പാനൂര്‍ നന്ദിയും പറഞ്ഞു.